• Focus Wku
• Yaada
• 2024-04-04

BAKKA NAMA QAJEELAA NAMA CUBBAMAATU GADI DHIIFAME

MAT 27:15-17

Bakka nama qajeelaa nama cubbamaatu gadi dhiiifame. 

Yeroo Pilaaxos warra yihuudotaadhaan Yesuusii fi Barabbaa keessaa eenyuun gadi isiniif dhiisu jedhee gaafate, Isaan deebisanii Barabbaa gadi nuuf dhiisi jedhaniin. Mat.27:15-17. Barabbaan nama cubbamaa akka hojii isaatti kan du’i maluuf ture. Yesuus immoo nama qajeelaa mudaas kan hin qabne ture. Garuu Bakka nama qajeelaa nama cubbamaatu gadi dhiiifame. 

Jireenya keenya kanas gaafa ilaallu nuti warra dubbii Waaqayyoorra darbee fi akka seera isaa malee jiraataa turredha. Akka hojii keenyaaf du’i kan nuuf malu ture. Garuu  Yesuus dhufee bakka keenya du’ee; du’a barabaraa jalaa bilisa nu baase. Akkuma Barabbaan gaafa yesuus bakka isaa hidhamu bilisa ba’e nutis Yesuus gaafa bakka keenya du’u nutis du’a jalaa bilisa baane. 

Galaatiyaa 5:1 irratti birmadummaatti akka jiraannuuf kiristoos birmaduu nu baase jedha. Yesuus birmadummaa kana nu argachiisuuf jireenya isaa nuuf kenne. Kanaaf nuti deebinee wanjoo cubbuu jalatti qabamuu hin qabnu.

Barabbaan nama garba cubbuu turedha sababni isaa Barabbaan nama gumaati, nama dira’iina isaatiin beekamaa, inni warra goolii kaasanii nama ajjeesan keessaa tokko ture (Hoj.Erg.3:14, Luq.23:19). Barabbaadhaaf bilisa ba’uun kan hin malle ture. Nutis akkuma kana birmadummaa Yesuus nuuf kenne kan nuuf hin malledha. Sababni isaa kan Waaqayyoon yakke nu dha; hojii mataaa keenyaatiin daandii Waaqayyoorraas kaanne. Yesuus immoo qajeelaadha mudaa tokko hin qabu garuu bakka keenya bu’ee nuuf du’ee du’a barabaraa jalaa nu baase fayyina barabaraa nuuf kenne.

Kennaa fayyinaa kana nutis ayyaana Waaqayyoon fudhanne (Efesoon 2:8-9). Fayyinni kun kennaa Waaqayyoo nuuf kennedha malee hojii keenyaan kan argame miti. Namni gaafa amantiidhaan fudhatu, cubbuu isaa in dhiifamaaf akkuma kana mootummaa dukkanaa jalaa bilisa in ba’a. 

Fayyinni karaa Yesuus argame kun karaa hojii keenyaan miti, hojii nuti hojjennee fayyina kana argamsiisus hin jiru. Hojiin keenya du’a barabaraa nutti fide; hojiin Yesuus hojjete immoo jireenya barabaraa nu argachiise. Hojii keenyaan fayyuu dadhabnaan Waaqayyoo abbaan tokkicha ilmasaa waa’ee keenyaaaf dabarsee nuuf kenne. Kun kan nutti agarsiisu jaalala abbaan nuuf qabudha (Yohaannis 3:16). 

Waaqayyoo kaninni barbaadu akka nuti jireenya qajeellumma isa kabajuu akka nuti jiraannudha. Akkuma 2 Qorontos 5:15 irratti dubbatutti Inni hundumaaf du’e. Warri isatti amananii isa fudhatan immoo ofii isaaniitiif hin jiraatan Yesuusiif jiraatu malee.  Kanaaf nuti warri Yesuusitti amannee mootummaa dukkanaa jalaa gara mootummaa ifaatti dabarre. Jireenyi nuti jiraannu jireenya nuti barbaannu osoo hin ta’in jireenya Yesuus barbaadu dha. Yesuus ani jireenya erga jedhee jireenya biraa jiraanna osoo hin taane Yesuusiin jiraanna. Utuu mudaa tokko hin qabaatin sababa balleessaa keenyaaf dhippatee, gidirfamee, du’atti dabarfamee kenname. Garuu immoo du’es hin hafne du’ee du’a mo’ee ka’ee jireenya nuuf kenne. Kanaaf akkuma paawuloos Galaatiyaa 2:20 irratti dubbatu erga isatti amanne nutu jiraata osoo hin taane isatu nu keessaan jiraata. 

Kanaaf nuti warri karaa Yesuusiin garbummaa cubbuu jalaa bilisa baane akka barbaannetti jiraanna osoo hin taane akkanni barbaadutti jiraanna.

Yesuus isa Birmaduu nu baaseef Galanni haa ta’u.!!!

          FOCUS WKU 2016

MAT 27:15-17